Alpina á Íslandi
FJÖLNOTA lausnir í snjó
Um BRB / Birgir R. Baldursson
Bakgrunnur og Reynsla
Ég hef undanfarin 16 ár starfað við að kynna náttúru Íslands fyrir gestum við krefjandi aðstæður.
Sem vanur öku- og leiðsögumaður hef ég víðtæka reynslu af akstri á snjósleðum – meðal annars á Langjökli sem verktaki, á Kötlujökli í íshellaferðum, Buggy-akstri ofl.
Auk þess að hafa starfað sem ökuleiðsögumaður og sinnt fjölmörgum hálendis- og Norðurljósaferðum fyrir hin ýmsu ferðaþjónustufyrirtæki.
Þessi hagnýta reynsla af íslenskum jöklum og hálendi gefur manni góða innsýn í þær aðstæður sem geta skapast og hvaða kröfur þú gerir til búnaðarins.
Birgir R Baldursson
fyrir Markaðinn á Íslandi
Af hverju Alpina?
Íslenskar aðstæður krefjast öryggis, burðarþols og áreiðanleika sem venjulegir sleðar ráða einfaldlega ekki við.
Alpina SNJÓSLEÐAR opna nýja og fjölmarga möguleika fyrir marga lykilgeira á Íslandi.
REYNSLA OG FAGMENNSKA
AÐEINS FYRIR
ERFIÐUSTU AÐSTÆÐUR
Með bakgrunn í akstri á stórum, breyttum ökutækjum og snjósleðum sá ég skýrt tækifæri að koma með nýjar lausnir á markaðinn.
Ég hef fylgst náið með þróun Alpina í gegnum fréttabréf þeirra í yfir áratug og séð þessi fjölnota tæki þróast í gegnum tíðina.
Á meðan íslenski markaðurinn hefur aðallega snúist um hefðbundna tómstundasleða, hefur vantað tæki sem ráða við þungu verkefnin.
Nú er BRB orðinn opinber umboðsaðili fyrir Alpina á Íslandi, með það að markmiði að bjóða upp á faglegar lausnir sem skipta máli fyrir:
Björgunarsveitir: Öflugar neyðar- og flutningalausnir fyrir krefjandi aðstæður í blindbyl og miklum snjó, með möguleika á sérhæfðum björgunarbúnaði eins og Safe Rescue Kit (SRK).
Ferðaþjónustan: Lausnir eins og Snow-Bus og Transalp vagnar sem gera kleift að flytja hópa og farangur örugglega og þægilega inn á hálendið.
Skíðasvæði: Faglegan búnað til að undirbúa gönguskíðabrautir og vetrarstíga.
Orkuveitur og innviðir:
Tryggja flutning á þungu efni og tækjum fyrir viðgerðarteymi að fjarskiptamastrum, línum og öðrum mannvirkjum.
Þjónusta og samstarf
Unnið er að því að leggja drögin að öflugu neti samstarfsaðila varðandi viðhald og þjónustu á tækjunum hér á landi.
Fyrirspurnir og áhugasamir aðilar eru velkomnir að hafa samband.
